| Samedi, 14 Juin 2008. 咁就完左個 Summer term 喇~~ 亦都代表左係 APA 第一年既完結~ 突然間好感觸, 呢一年, 有開心, 有唔開心, 百感交集.... 但我知道, 呢一年, 我大多數時間都係唔開心咁度過..... 流左好多眼淚, 遇到好多以前未遇過既問題, 好辛苦, 好耐冇見過自己笑住咁跳舞...... 但係學習方面, 我好開心我係唔同既老師身上學到好多野, 最重要既係 Antoinette 老師, 佢令到我越黎越鐘意 contemporary dance, 佢亦都係我最信賴既老師, 好鐘意佢~ 呢一個學年, 真係過得好快, 太多野發生, 太多野唔記得, 但真係好開心識到一d 好好既同學可以同佢地講心事~ 多謝寶琳, 軒, 韜 (*留意d你地個名既顏色呀, 係你比我/ 我對你既感覺黎架) 亦都好開心識左一 d 好好既師姐, thank you Alisa, Emily, Yoyo (* pay attention to the colour i used on your name, it represents my feelings/ impressions you given to me) 最近又有d事好煩惱, 係呢個時候又有一d 師兄師姐, 同學, 朋友同老師比我好多 advice thank you 大emily, Catherine, 寶恩, alan, 阿盤, 大鄺, Anne, Anson..... 真係好多謝 Anson, 你既說話同你既 experience令我覺得好深刻. thank you 蔡穎老師, Mandy, Antoinette 老師 特別多謝 Billy sir, 你唔似上個sem 人地問你意見時淨係得個句, 多謝你問左我好多問題, 分析左好多野比我聽, 仲講埋自己既經驗比我聽, 令我更清楚自己, 同埋雖然你話你唔會幫我決定點同埋會保持中立, 但我覺得你係支持我既, 雖然我未決定點~~ 仲有 chinese 女仔: 寶琳, Regina, 采盈, Natalie, 家希, Wendy.... 你地同我好似開會咁分析我既問題幫我解決~ 實在太開心有你地係我身邊幫我~~ 多謝~~ 好啦, 講返d 開心野先~~ 10-13/6/2008 呢個星期既 summer term~ 成個禮拜淨係跳 hip hop 同排海寧~ 收到timetable 個日, 我即刻覺得" 大鑊!!" 因為要上 hip hop, 唔知點算!! 我覺得 hip hop 係我絕對 coordinate 唔到同搞唔點既野黎架~~ 第一日(星期二)上堂, 係 changing room 真係諗住死就死啦!! 搵左 infinity 既 yiu 黎教~ yiu 仲帶埋 siu may黎教我地添~~ 上左一堂之後就勁鐘意喇~~~~~~ 超好玩!!! although 佢唔係淨係教 hip hop, 仲教埋我地 jazz funk~ 但真係好鐘意~ 每堂睇住佢地兩個 dem 個 combination, 真係覺得好好睇, 佢地真係好勁~~ 佢地兩個當然好勁啦 但我覺得 siu may比 yiu 勁在一個地方 係因為雖然佢個子咁小, 但係佢跳舞既時候好 sharp 好出, 一定見到佢~ 真係好勁~ 對好似我呢d細細粒粒既黎講, 真係要學習~~ 十個想學佢~~ (十個是滿分) 其實係兩個都想學!!! 雖然我鐘意 jazz funk 多過 hip hop~ 但學 hip hop 都係一個好好既 experience~ 我依家勁想學 jazz funk 呀!!!! 幾想跟返yiu 學~ photos with yiu and siu may @ the last day of summer term~ (pls ignore my weird facial expression) 
多謝 yiu 同 siu may 令我有一個咁開心既 summer term~ 幫我呢個係 APA 既第一年收左個好好既 happy ending~ |
